|
كلمات قصيدة مو من ضلوعي أون (مكتوبة) باسم الكربلائي - الليالي الفاطمية 1440
مو من ضلوعي أون .. ذبحتني كلمةْ و إن ما أستغرب الصار وأعرفه من البدايه وادري ابصاحب الغار منافق مو حمايه .. هذا الوگت مابي وفه .. كلمن وفي عد روحه حته الملح ماصخ صفه .. بس دمعتي مملوحه بچوني واني ابلا دمع .. والمثلي يبچي اجروحه دُخان عيني من صعد .. عين الشماته اتلوحه والما لفضــلي إسم .. هِسه رجع ينتقم وآنه بعمر الورود و اباوع للمنايه وادري ابصاحب الغار منافق مو حمايه ________ بدار انه وعندي حدس .. أيامي جن معدوده اسمع كلام الطاغيه .. واسمع حديث اجنوده گالوله لاتقرب أبد .. دار النبي وحدوده والزهرة موجوده تره .. كلهم و إن موجوده گلهم اجمعوا الحطب .. ما استحي من العتب لازم احرگ الباب يگلهم عندي غايه وادري ابصاحب الغار منافق مو حمايه ________ مذبوحه من كلمة وإن .. وانه اعرف ابتاليها تاليها بالطف تنحچي .. يم زينب اتانيها چم سوط يلعب عالمتن .. چم شامت إيحاچيها والتتعب إيده من الضرب .. يوگف يشتم بيها من تنحني من الألم .. تنخه يراعي العلم من اتصور الحال .. لربي مُشتكايه وادري ابصاحب الغار .. منافق مو حمايه ________ ياناس مو قصة ضلع .. لكن بدت آلامي آني عشت دور السبي .. واتلفت اعله ايتامي لا ماشفت بابي احترگ .. چان الحرگ بخيامي گدامي ماشفت الهجم .. شفت الشمر گدامي والما يحب النبي .. ياخذني باچر سبي باچر هجمة الدار تمر اغله السبايه وادري ابصاحب الغار منافق مو حمايه ________ عندي إبن اسمه الگمر .. حتماً يهل اعلينه عباس احبه إعله الإسم .. كل احنه منتظرينه من سطروا اعيوني شفت .. سهم اللي صوب عينه من خدرن اچفوفي صحت .. وانظر گطع چفينه شفته يصد عالخدر .. ما قصر ويعتذر لا ما شفنه عطشان يموت وبيده مايه وادري ابصاحب الغار منافق مو حمايه ________ عطشان محسن من وگع .. والحالة شغلت بالي ثاري ابقتل محسن شفت .. عبدالله يتراوالي والسهم أعمه من مشه .. والطفل نحره ايلالي صورة أبو وذبحة حلم .. والغالي يشكي الغالي حس بحرارة دمه .. مد آيده من الضمه لا ماميز السال دماهم لو دمايه وادري ابصاحب الغار منافق مو حمايه ________ بضلوعي مو هِسه الكسر .. بالطف تره يكسروها عشرة خيول امجربه .. أثگل حجم جابوها من تسحگ ابصدر ولدي .. تترواح ايخلوها وبجثته لو ماكو نبي .. صدگوني ما سحگوها وهناكه يبدي الجرح .. من الگفه انذبح هذي سطرة العين تبين بالنهايه وادري ابصاحب الغار منافق مو حمايه ________ كلمات الشاعر - السيد عبدالخالق المحنة |
رد: كلمات قصيدة مو من ضلوعي أون (مكتوبة) باسم الكربلائي - الليالي الفاطمية 1440
السلام عليكم ورحمة الله وبركاته
مشاركة رائعه منك وفقك الله ورعاك |
رد: كلمات قصيدة مو من ضلوعي أون (مكتوبة) باسم الكربلائي - الليالي الفاطمية 1440
سلمت أياديك ع انتقآءك الرآئع لاحرمنا الله جمآل عطآءك المُميّز |
رد: كلمات قصيدة مو من ضلوعي أون (مكتوبة) باسم الكربلائي - الليالي الفاطمية 1440
اقتباس:
المشاركة الأصلية كتبت بواسطة antaumry [عزيزى الزائر لايمكنك مشاهده الروابط الا بعد التسجيلللتسجيل اضغط هنا] السلام عليكم ورحمة الله وبركاته مشاركة رائعه منك وفقك الله ورعاك لكِ آلشكر وآلإمتنآن لمروركِ على متصفحي ولمستك آلرآئعه عليه لآهنتي ولآهآن وجودك تحيآتي لروحكِ همسة وفا |
رد: كلمات قصيدة مو من ضلوعي أون (مكتوبة) باسم الكربلائي - الليالي الفاطمية 1440
اقتباس:
المشاركة الأصلية كتبت بواسطة عناق الماء [عزيزى الزائر لايمكنك مشاهده الروابط الا بعد التسجيلللتسجيل اضغط هنا] سلمت أياديك ع انتقآءك الرآئع لاحرمنا الله جمآل عطآءك المُميّز لكِ آلشكر وآلإمتنآن لمروركِ على متصفحي ولمستك آلرآئعه عليه لآهنتي ولآهآن وجودك تحيآتي لروحكِ همسة وفا |
| الساعة الآن 02:33 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir