أمثال كويتيه ... خليجيه ...
أمثــال كويتيه
أبو طبيع ما يجوز من طبعه · إذا بغيت صاحبك دوم حاسبه كل يوم · إذا حبتك عيني ما ضامك الدهر · إذا حجت البقر على قرونها · إذا حضر الماء بطل التيمم · إذا صار رفيجك حلو لا تاكله كله · إذا طاح الجمل كثرت سكاكينه · إذا طبع دوس على تريجه · إذا فات الفوت ما ينفع الصوت · إسأل مجرب ولا تسأل طبيب · إش حادك يا المسمار ؟ قال المطرقه · إصرف ما في الجيب يأتيك ما في الغيب · أضبط من ساعة الملا · اقبض من دبش · أقضب مجنونك لا يجيك أجن منه · إكل ما تشتهي وإلبس ما يعجب الناس · إما طلعه ولا طبعه · إن طاعك الزمن وإلا طيعه · إنفخ يا شريم قال ماكو برطم · الباب اللي يجيك منه الريح سده وإستريح · بات مظلوم ولا تبات ظالم · بغاها طرب صارت نشب · بغى يكحلها عماها · بغيناه عون صار فرعون · تجيك التهايم وإنت نايم · ثوب أطول منك يعتك · جارك ثم دارك · حاميها حراميها · حشره مع الناس عيد · حط راسك بين رجليك وإشهد على والديك · حط فلوسك بالشمس وإقعد بالذلال (إجلس بالظل) · خبز خبزتيه يا الرفله إكليه · خربان من البيضه · دابة الله بأرض الله · الذيب ما يهرول عبث · راعي النصيفة سالم · رزق القطاوه على الخاملات · زرع الميانين (المجانين) يطلعه رب العالمين · شبعونا طراقات وشبعناهم شتايم · شمامها لمامها · طارت الطيور بأرزاقها · طقاق روحه ما يصيح · الطول طول نخله والعقل عقل صخله · عتيج الصوف ولا جديد البريسم · عمره ما تبخر ، تبخر وإحترق · عومه مأكوله ومذمومه · غصيت فيك يا ماي ، شدفعك في · فال الله ولا فالك · الفرخ يجوجي في البيضه · قال عندك تاكل ؟ قال لأ . قال عندك تغرم ؟ قال إي · قراقيع صيف · قطو وطقيته بمصير · كثر الدق يفك اللحام · كلٍ بقلبه شيقاليله (شقاء له) · كوم حجار ولا هالجار · لي بغيب الخبر يشيع عطه (أعطه) أم بزيع · لو جريت جري الوحوش غير رزقك ما تحوش · لي طار طيرك قول سبيل · لي فات الفوت ما ينفع الصوت · اللي في الجدر يطلعه الملاس · اللي ما يرضى بجزَه ، يرضى بجزَه وخروف · اللي ما يستحي منك لا تستحي منه · اللي ما يطول العنقود يقول حامض · اللي ما يطيع يضيع · اللي ما يعرف الصقر يشويه · اللي ماله أول ماله تالي · اللي مو على دينك ما يعينك · اللي هذا أوله ينعاف تاليه · اللي يجي من الله حياه الله · ما تعينك إلا يمينك · ما لك إلا خشمك لو كان عوي (أعوج) · مال عمك لا يهمك · مخروش طاح بكروش · مد رجولك على قد لحافك · مداح نفسه يبي له رفسه · مكسورة و تبرَد · من طمع طبع · نصيبك يصيبك · هذا سيفوه وهذي خلاجينه (ملابسه) · الوجه من الوجه أبيض · يا شين شيء ما شابه هله (أهله) · يا من شرا له من حلاله علَه · يفوتك من الجذاب صج وايد · يمدح السوق من ربح فيه منقول |
تشكر اخوي انت عمري
مع ان الكثير منها ليست بكويتيه انما شعبيه دارجه حتى عند جميع اهالي الخليج |
السلام عليكم ورحمة الله وبركاته
صح كلامك اخي الطائر والعنوان يقول ( امثال كويتيه وخليجيه ) يسلمو على مرورك لك التحيه |
يسلمو انت عمري عالامثال الروعه
وبعظها كثيرت الاستخدام عندنا يوكا |
خوش أمثال
يعكيط ألف عافية دمت بخير |
تسلــــــــــــــم انت عمري
|
يوكا
للأبد أعز الناس مشكورين على مروركم الرائع لكم التحيه |
العفو يا سيدي
والشكر لك على هيك موضوع :) |
العفو
اخي للابد |
حياك ..
وكل يوم هالحزه :) صباحك عسل يا عسل |
الساعة الآن 02:01 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir