منتديات تدلـل1 - أقسى قصيدة عتب ( أشيل الشوك من دربك )

أشيل الـــــشــوك من دربك وجرحـي كـان يدمينـي

---------------------------

كتبت الشـعــر مــو لجلـك ولكــن فـاض بـي بركان
و أما أنت فـــلا تسوين قصيــده فــي نظــر عينـــي

حلفتي لي تصونينـي إذا صـار الزمــــــن خــــــوان
وأول مـــــا عثـر حظـــــي علـى دربـــــك خذلتينـي

كسر رمح الزمــــن صدري وجيتك اشتكي حيـران
نزعتي الرمـــح من صدري وفي ظهري طعنتينـي

خســـــااااره كييـف حبيـتك؟؟ نعـم والله انا ندمـــان
غـــبـــــــي أدري نعـم ادري مـا دام انـك سكنتينـي

سنـــــــه مـن عمـــــــري وأنـا فـي لعبتــك غرقـان
أشيل الـــــشــوك من دربك وجرحـي كـان يدميني

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يـــــــوم تبغينـي

عرفتك للآسف صحــــراء وحولتـك إلـى بستـان
وشلتيني غصن أخضـر وفي صخرك زرعتيني

حفرتك داخلي وظني تصوني عشرتــــي أزمـان
وكنت أحفر قبر موتــــي علـى ساحـل شرايينـي

على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــي

ولكن عــزتـــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينــــي

أنا مو عادتي اشحذ من أمثالك رضــا وإحسـان
أمــــوت بـــعــــزتـي ارحـم ولا ذلــك يغطيـنـي

وما دام الوفــــــا عنـدك يـدور لـه علـى عنـوان
بدور لي على قلـب يصــــــون الحـب وسنينـي

ولو قلبـي رجـع حَبـك بولـــع فيـه بالنيـــــــران
وبكســـــرهـا أنـا رجلـي إذا صوبــك توديـنـي

ولو دار الزمـن ضدك وجيتـي تطلبي الغفـران
وجبتي الشمـــس فـي كفـك لعندي..مـا بتلقينـي

تقول الناس في وصفك جميلة مثل عـود البـان
وإنك أجمل وأحلى بشــــر مخلـوق مـن طينـي

وإنك غاليـــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينــــــي

حــسافه غرهم شكلك ويا ما تخـدع الألــوان
بقــت كلمــة أخيرة لك على قلبـي وسمعينـي

إذا كنتي بنظر غيري ملاك على هيئة إنسان
قسم بالله ما تسوين شعـره مـن رمـش عيني
=============================
منقووووولـــــــه