للحين من سكرة لياليك ما فقت
 

حييت يا برق ٍ تكاشفت وابرقت
على سماي .. وما تغيّر مسيره

من يوم شفت اني معك ماتوفقت
علقتها علئ الزمان و مصيره

مهما خذاك البعد عني وفارقت
انت الوحيد اللي مابي شي غيره

كذبت ظني بالمحبه وصدقت
انك دروبي .. الاوله والاخيره

اشتقت لـ ايامك وياكثر ماشتقت
لجروحك اللي جاتني مستجيره

كم قلت لك في غيبتك ماتضايقت
والحزن ما خلا لـ الافراح ديره

يا نور وجهك كل ماجيت واشرقت
ما تدري ايام البنادم قصيره ..

تعال وازهل ضيقتك كل ماضقت
يفداك كل العمر شره و خيره

لو اخسر الدنيا على اول ما حققت
حلمي بوصلك .. والمقابيل خيره

للحين من سكرة لياليك ما فقت
للحين افكر في الليال الاخيره

ماعاد اكابر كل ما ضقت واشتقت
العاشق اول ما يحده .. ضميره

بس اتمنى المسأله مسألة وقت
العمر واحد ما معي عمر غيره

رد: للحين من سكرة لياليك ما فقت
 

صح لسانك

رد: للحين من سكرة لياليك ما فقت
 

السلام عليكم ورحمة الله وبركاته


نشكرك على مشاركتك الجميله




سلمت يمينك

دمتي بخير

رد: للحين من سكرة لياليك ما فقت