لا تلوموني
لا تلوموني لا ..لا تلوموني
جنني حب حسين لا..لا تلوموني
ما تمنعوني لا..ما تمنعوني
امن امحبتي لحسين لا..ما تمنعوني
**
يا اهل اللباب..نتحاسب احساب
نمشي ابدروب الشوق واندق الابواب
دلالي ونصاب وابهل عشق ذاب
مجنون انه بحسين وقليبي ما طاب
لا تنشدوني لا..لا تنشدوني
رواني حبه البين..لا تلوموني
**
مثل السهاره اسهاره انطر اشاره
دليني نجم الليل درب الزيارة
عاشق تواره ابليله اونهاره
وبقلبه خط الشوق بالحب عباره
ما تعرفوني..لا ما تعرفوني
صابر بقالي اسنين..لا تلوموني
**
سوو التريدون ماظن تقدرون
وتغيرون اطباع عاشق اومجنون
من قاعي مفتون يامن تلومون
منهو الي شاف ارموش وتعوف العيون
لو تخيروني..لو تخيروني
ماعوفه انه هلزين..لا تلوموني
**
محبوبي اهواه ما اقدر انساه
صعبه تعيش الروح لحضه بلياه
من قلهو الله يستوحي معناه
والخالق القيوم من لطفه سواه
يلتشوفوني..يلتشوفوني
صار القلب نصين..لا تلوموني
**
سمعوني يا ناس دلالي حساس
هايم انه اوولهان من جدمي للراس
وابقلبي جم كاس يتفاوض احساس
يتروى باسم حسين واينادي عباس
لو تشوفوني..لو تشوفوني
هايم انا بثنين..لا لا لا لا تلومونييييييييييييييييييي
سلسلة قصائد مدح اهل البيت مكتوبة ...
لعيون تدلـــ1ـــل