امور تبط الجبد وتفقع المراره

مرحبا يا اصدقاء

اعذروني اذا حشيت في احد منكم ... تحملوني




اشياء وتصرفات تفقع المرارة وتقهر والأن بكتب بعضها ::

@ اعضاء تسجل بالمنتدى واشوف اسماء كثيرة بالانجلش

وبس تسجيل بدون مشاركاتك ... وتكرار الاسماء والآي بي متشابه

وبعدين قد يكون مسجلين عشان بطاقة الشحن مثلا او يتصفحون فقط

يا اخي سجل ورد على الأقل على الموضوع الي قريته وتصفحته شيء يقهر .

@ يا اخي اقعد ادور على برنامج او هاك بالنت ليل ونهار وبعد ما القاه

في احد المواقع يقول لازم تسجيل عشان تشوف المرفقات

واسجل ويرسلون لي رساله الى الايميل بتفعيل التسجيل

ولازم ارد على الموضوع .. وارد على الموضوع

وبعد ما اجي احمل البرنامج .. يقول البرنامج فيه اخطاء او محذوف جزء منه

وفيه اخطاء كثيره >>>> شيء يقهر ويفقع المراره


@ تروح اي مجلس وايش تشوف الا والأطفال رازين وجههم فوق الكنب

والشيوخ وكبار السن مساكين قاعدين بالارض .. قوم فز يا ولد من فوق الكنب

ووسع لكبار السن يقعد محلك .. بصراحه لما اشوف كذا اتضايق وانقهر .

@ تصف طابور عريض في احد الدوائر ولما يجي دورك يقول خلاص سكرنا راجع بكره

والساعه توها الواحده ظهراااااااا . ( الظاهر دوامه ينتهي 1 ) غير بعض الدوائر .

@ مساكين بعض المواطنين من الفجر قاعدين طابور بره الدائره عشان يحصل رقم له

يدخل يراجع الدائره الفلانيه ... في عز البرد او عز الحر ... قهر قهر قهر .

اكتفي بهذه النقاط اليوم لا ينفجر قلبي وانبط

:Big-Smile-12:


تحياتي