المسافيـر

شفت الفرح بوجيه كل المسافيـر

بسلامتك ياميـر يسعـد خبرهـا

متى تعُود إلنا على خيـر ياميـر

ويزول من أهل المملكه ما كدرها

أتزورنا ياأمير بالرجـل و تسيـر

أمن الخليج البّحر إلي أحمر بحرها

سلطان إلي منه وقف وقفته غيـر

في الأرض مثل الراسيات أبظهرها

بعيد أنظار وكلها خير فـي خيـر

ياحامي أحمى المملكه من خطرها

الطيب كله فيك ماحتـاج تعبيـر

وكل المكارم منك ينبـع نهرهـا

ولي عهد المملكة وألـك تقديـر

تقدير لك عالي و شعبك نشرهـا

ياسيدي سلطان ما عنـك تاخيـر

الروس لك ياعزهـا يـا فخرهـا

غلاك مايحتاج لـه زود تظهيـر

ظهر علي كل الوجيه و غمرهـا