االله واكبر ذكرتك وانت ناسيني

الله واكبر ذكرتك وانت ناسيني *** وذكرت عيني بدمعتها وهلتها

ذكراك يانور عيني ما تخليني *** لاجت وعيني بحلوالنوم صحتها

كم مرة من منامي جت تصحيني *** ذكراك ياما اسهرت عيني وبكتها

ذكراك يازين تبكيني وتحييني *** مثل السحابه بكت في الارض واحيتها

العام يازين كنت اجيك وتجيني *** واليوم دارت بنا الايام دورتها

صحيح الايام حالت بينك وبيني *** لكن الاحباب ماتنسى محبتها

ابوك الايام ماتقدر تنسيني *** لو غيرت مع مرور الوقت خطوتها

لاضاق سدري وقام الشوق يكويني *** غمضت عيني وشفتك وسط نظرتها

ما انساك لو تختلف كل الموازيني *** لو كان تنسى نجوم الليل طلعتها

ذكراك في دم قلبي في شراييني *** يا كيف تنسى عروق القلب نبضتها

يمكني اقطع عروق القلب بيديني *** ولايمكن اقطع محبتك وعلاقتها

ابك انت عطر الحياة ونكهة سنيني *** ياصفوة ايام عمري ياعذوبتها

مافيه في الذاكرة شي يسليني *** الا انت يا فرحة الدنيا وبسمتها

قالوا لي انك بعد ما رحت تبكيني *** فان كان عينك بكت مني سلامتها