أروع قصيدة في الندم على عقوق الأم

اتمنى ان تعجبكم هذة القصيدة المبكية و التي نرى فيها مدى الندم على عقوق و عصيان الام و معاملتها المعاملة السيئه و عدم تقديرها ... في الحقيقة لا أعرف الشاعر الذي كتبها ولكن عندي اياها بتسجل احد المنشدين الرائعين باللابتوب و إلقائها كان رائع ..

اهديها للجميع ليستمتعوا بقرائتها ...



يــا يمــه منتهـــي جيتـــك وطـالــب منـــك الغفــــران
أقبــــــل قاعــــة أقدامــــك وأغسلهــــا بدمعـاتــــــــى

يــا يمــه كــل مــا فينـــي ينـــادي لـك أنـا ندمـــــــان
طلبتــك قولـي سامحتـك وردي لوجهـي بسمـاتــي

أنـا أدري قلبــك الطيــب كسرتـــه بصدمـــة النكـــران
غلطـــت وغلطتـــي هـــاذي تغيـــر كـــل غلطـاتــــي

تشوفـي الشيـب يـا يمـه تـرى مـا جـاء وأنـا فرحـــان
ورب اللــــي رفـــــع ذاتـــــك ونــــزل للــــردى ذاتــــي

فقـدت الراحـة مـن بعــدك فقـدت الطيبــة والتحنـــان
بدونـــك راحتـــي غايـــة بيدينـــك هـــذي راحـاتــــي

أنـا.. أنـا بعــدك ولا حاجــه أنـا بعــدك تـــرى عميــــان
أشــــوف ولا أشــــوف اللـــي يـوريـنــــي مساراتــي

أنـا وسيد الشقـاء والهــم من بعــدك غدينــا إخـــوان
يجيــب همــــوم هـالعالـــــم ويـرميهـــا بمتـاهـاتـــي

صدقتــي يـوم قلتـي لـي تديـن اليـوم بـس تنــــدان
رميتــك فــي بداياتــي ورمونـــي فــي نهاياتـــــــــي

أنــا مــن شالـك بأيــده ورمــاك بأسفـــل البـركـــــان
نخيتينــــي وطلبتينــــي ولا حصلتـــي نخواتــــــــي

مثــل مـا هنتـي بعيونـي عليهـم قلبـي يمــه هــان
رمونــي وضعفهـم فزعتــه وأنـا الدمعـــات فزعاتــــي

يــا يمــه لا تظنينــــي أنــا مـن فعلهــــــم زعــــــلان
ســواتٍ فيـــك سويتـــه وســـووا فينـــي سواتـــــي

يـا يمـه يـا الله ضمينــي ودفينــي بيـــن الأحضــــان
أنـا أدري فيــك مشتاقـــة وهمـــك بــس ملاقاتــــي

يـا يمـه.. يا يمـه حيل ضمينـي أبـي أرتاح أنا تعبـان
تعبت أهرب من ذنوبـي أبي برحل لأخر مسافاتــي

أبسمــع منــك أي كلمـه لصوتـك مسمعـي ولهــان
أبسمــع يمـــه بصوتـــــك أبذكـــر فيهـــا نشواتــــي

أشوفــــك ساكتـــة يمـــه رضيتــي ولا أنــا غلطــان
رضيتــي يـا بعـد عمــري تعبتــي مـن مواسـاتــــي

يـا يمـه.. يا يمه طالبك قومي إذا لي بعيونـك شان
أشـوف المـوت بعيونـك عسـاهـا تخيـب هقواتـــي

تـعـالـــوا يــا بشــر شـوفـــو أنــا محتــار أنــا تلفـان
أنــا أمـي مـا أدري وش فيهـا أنا مـدري أنا أحاتــي

شنــو ..؟؟ أمـي أنـا ماتـت..!! لا لا تــرى غلطــــان
أنــا أمــي مــا تخلينــي علـــى حزنــــي ووناتـــي

أنــا أمــي قلبهـا طيـب ولا يمكـن تبكــي إنســـان
أنــا أمــي مــا تبكينــــي ولا تتمنـــــى آهاتـــــــي

يــا يمـــه صـح مـا متـي وصـح المـوت تـو ما حـان
إذا متـــي أنــا بعـــدك أبقضـــي ويــن ساعــاتـــي

يــا يمــــه قـومـــي وقولـــي المـــوت لا مــا كـــان
أنــا جيتــك وأنــا نــــاوي أبــــدل فيــــك جنــاتــــي

تركتينــــي ومتـــى ليـــه تركتينـــي وأنـــا غرقــان
ولا مسمـــوح يا وليـــــــدي ولا تلعنظــك لعناتـــي

أنا الجاني وأنا المجني وأنا المخطي وأنا الندمان
وأنا بيدي رميتــــــك إيــــــه وبعثرتــــــه ملفاتــــي

وجيت من الهناء مبلغ وقلبي من الضناء خسران
تركتينــــي علــــى نـــاري أعــدد فيـــك زلاتـــــي

ولا نيـــب مرضــــيٍ ربـي ولانـي تـابع الشيــطان
أنا بعــدك تــرى مـابيــن نهـايـاتــي و بــدايـاتــــي

يا يمـــه منتهــي جيتــك وكلــي مرتجـي غفـران
وشفـت النـاس تلعنــي وتحذرنـي مــن الآتــــي