مـع وسع صدرك ... تتعـرف عـلى انـواع العـنـاد .!!

مساءكم وصباحكم ان شالله مليء بالخـيرات


لكن في هالموضوع مليء بطرق الـعـنـاد
أكيد كلكم تعـرفون وش يعـني العـنــاد ..؟!!!

ابجيب لكم شوية مختطفات من حياتنا اليوميه واللي عـندهـ إظافه لا يبخل عـلينا


- العـناد بين الاطفال ::-
بين الاطفال .. يجلسون ع السفرهـ يـغـثونك هذا يقول لأخته وخري من مكاني وهي تقول ابجلس جنب بابا وش دخلك ؟ طيب جيبي الملعـقه . رح خذلك من المطبخ . طيب كلي من قدامك . وانا من وين قاعده آكل .!! من فمك ؟ كب العصير انغـرق فستان البنت جلست تبكي . وهو يضحك بدون ما حد يلاحظه حرق اعصاب
يا طول صبر اللي معـاهم ع السفرهـ


- العـناد بين الزوجين ::-
مساء الخير / مساء النور .. وشهو العـشى اليوم ؟؟ ما سويت شيء انت ما تقول بتجيب من برى ؟
طيب نسيت روحي سوي عـشاء . وش تبغـى ؟ أي شيء
راحت المطبخ كسرت كاستين وصحن ( ما هي متعـمدهـ ) صوت الصحون في المجلى
طاخ طيخ كأننا في ورشة حدادهـ مو غسيل مواعين . ياهوووو وش فيك ؟؟ ما في شيء
ما تبي عشا ؟ خلاص اهجد ؟؟ طيب صار لك ساعتين ؟ الغـاز خلص . يعني ؟ قالت كيف اطبخ ؟
رح عبي انبوبة الغـاز . حلوووو خذ الاسطوانه طلع لف الشارع ( المحلات مقفله )
رجع البيت . وين الغاز ؟ كلهم مقفلين . طيب ليش ما جبت عشاء معاك ؟ نسيت
والحل ؟ شوفي لنا سندويش جبن . ما فيه سندويش !! طيب جيبي بسكوت وعصير .
دخل في راسه العـناااااد ما يجيب عـشاء


- العـناد في المنتديات ::-
عضو يطرح موضوع ما حد يرد عليه ينتظر يوم يومين ثلاثه الردود ( 0 ) يروح يشوف له
موضوع مولع ردود ويدخل عليه يبي يحرقه يشارك برد ( هع ) وش معناها ؟ مدري
بعد شوي يرجع ( خخخخخخ ) خير ان شالله صاحي ؟ مدري
بعدها يرد ( ها ها ها ) طيب وش المطلوب ؟ مدري
يحط عينه عليه واحد من المشرفين ويعطيه آآآوت باند على قولهم
يرجع بأسم جديد ( ليش طردتوني ) ؟؟
يرجع بأسم ثالث ورابع خلااااص دخل العـناد راسه وخسر عضويته


- العـناد في الطلعـات ::-
هذا الموقف شفته بعيني كنت جالس في حديقه وجا واحد سوداني بزوجته يبي يوقف
ما لقي موقف قام نزل زوجته قال امسكي المكان لما اوقف السياره وارجع
نزلت وصارت واقفه بجنب المكان اللي يبون يجلسون فيه . جات عائله ثانيه وفردوا
فرشتهم وجلسوووو ههههههههههه الزوله واقفه مستحيه م قالت شيء
جا اخونا الزول الا هذولي جالسين وحرمته واقفه على روسهم كانها حارس !!
جن جنونه كيف تخليهم يجلسون وانا قلت امسكي المكان ؟؟
قال للعائله لو سمحتوا احنا حاجزين المكان وزوجتي واقفه هنا قبل ما تجوا
شوفولكم مكان ثاني قالوا يالله اتكل روح دور على مكان ( فارقنا )
كلمه من هنا وكلمه من هنا قام السوداني فرد فرشته جمبهم
قال علي الطلاق ما ني قايم من هنا لو تجيبولي الملك ههههههههههههه
رحت عندهم حاولت اصلح الشان . ما فيه فايده كلهم متعصبين ومتهورين
كل واحد ما يبي يتنازل عن المكان
قوم اجلس شيل حط إلا ما إلا شوي إلاااا المطر ( ياااا كريم )
ظرب السيل وكل واحد ضف عياله وعـفشه وراح البيت ..انتهى العـناد


طبعـآ ما بطول عليكم من شان اللي عندهـ فكرهـ والا قصه عن العـناد
نعطيه فرصه في التحدث عنها ترى جايز انكم تضيفون

لكن احب اوضح لكم ان كللللل هالعـناد اللي حكيته وبتحكون عنه من بعـدي
ما يسوى ولاااااا شيء جـنب عـنـاد البنوك


مين يتوقـع البنوك لما يدخـل بينهم العـناد

ويش يسوون ؟؟


فلوس ؟؟ لاااااااااااااا



عملاء ؟؟ لااااااااااااا



يفتحون في شارع واحد ؟؟ لااااااااا



يستأجرون مبنى واحد ؟؟ لااااااااا



لكن ممكن يتنافسون على موقع صراف

كل واحد يدفع اكثر لحجز هالموقع

مثلا البنك الاهلي نافس ورااااهن ودفع دم قلبه

ومسك موقع وضع فيه مكينة الصرافه

منهوووو منافسه ؟؟

الراجحي !!!

افااااا

الراجحي مهوب هين ولا تعـدي بسلام

وش سوى ؟؟؟


عــنـــــاااااد

شرى الموقع بأكمله

وصار يآخذ إيجار من الاهلي












كيف اساليب العـناد بين الهـوامير .؟؟؟

ولااااا شيء جـنـب عـنادنا المعـتاد .!!!


فكـرهـ واخـراج وطـرح

( وسـع صدرك )

انتظر إظافتكم

مع التحيه

للجميع