.. ~¤§ بنت القطيف §¤~..

.. ~¤§ بنت القطيف §¤~..



من سحرها صار قلبي به نزيف=ودمعتي سالت على خدي حرام

وكل قصدي يا عرب شي شريف = بس نظره .. وما أمانع بالسلام

آآه منها بنت ما ليها وصيف=آآه منها في الدلاعه والكلام

يا بعد جبدي أنا بنت القطيف=يا القطيفيه بقلبي لك مقام

من سنابس حد الأوجام ورديف=حد صفوى وحد سيهات الكرام

وبنت عوام قلب حساس ونظيف=وحلة محيش بنتها والله تمام

وبنت توبي مثل نسمات وحفيف = والخويلديه لها كل احترام

وآآه من بنت القديح ويا لطيف= وبنت تاروت بالحلا حازت وسام

ما تشوف إلا حلاها له رفيف=من يشوفه طاح في سحره وهام

لو تسبيني و قلتي : يا غفيف=ما أبي غيرك فديتك يا الغرام

والقهر أسمع قطيفي بكل صيف=يقول أبغا الشام يا حلو الشوام

باتزوج صاحبة خصر نحيف=آآه منها كنها ريش النعام

آآه منك يا أبو عقلن خفيف=والله الحسن في ديارك والقوام

في بنات كلهم طبعن عفيف=ساتراتن .. ناعماتن..بالدوام

ما عليهم من كلامك يالظريف=خل شامك ينفعونك بالملام

وآنا مالي غير [ حسره ] بالخريف=وفي ربيعي كل ما فيني حطام

أذوب وأغرق في حلا بنت القطيف = وآتجنن في الدلاعه والكلام

من جمالك دوم أصرخ (( يا لطيف ))= وآتحسر كلما أجلس وأنام


للاستماع للمقطع الصوتي

http://mlafaty.net//view.php?file=be52d46654



مما راق لي