أمانينا

\

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا


شرحت ظروفنا للوقت لكن ما فهم للشرح
صبرنا والصبر جمره ورا الاضلاع كاوينا


ترى وجه المتيم لو تبسم لا تحسبه مرح
امانيه اتهاوى من عيونه مثل امانينا


بنى من ذكرياته في محيط العاطفه كم صرح
لكن هاج المحيط وما لقى له ساحل ومينا


يا ناس العيد ما له لون ولا له طعم ولا له فرح
واذا قلتوا وش الأسباب قلت الله يعافينا


نلوم الوقت والقصه ما تبغي جمع والا طرح
لأن العيب.. من ربي خلقنا ساكن فينا