ليكون قلبك مثل قلب الزمن جافي

من عز نومي صحيت وشفت في عيني

دمع تهادى على جفني ونا غافي

سترت دمعي بكمي قبل يغريني

وأخذت هالجسد من باقي الحافي

وسريت تايه وراى خطوات رجليني

لاللوجه وجهي ولا الوصف اوصافي

امشي واقول لطريقي لا توديني

لعيون ناس تبي تدري عن الخافي

أمانتك خلها ما بينك وبيني

خابرك يادرب خوة عمري وأسنافي

ما ودي الناس تدري ويش يبكيني

كرامت النفس ورث أبوي وأسلافي

أمشي وأحس الخناجر في شراييني

والبرد يمشي وراي وينهش أطرافي

وحيد والليل ببردونه يغطيني

تقول كأن البلد روحه به السافي

الين ما أوحيت لي صوت يناديني

صوت أعرف مثل ماأجهل ويش أخلافي

قمت أتلفت وانادي لا تخليني

ما غيره الصوت هذا صوتك الدافي

ولمحت زولك من أقصى الدرب لافيني

ماادري ويش اقول لكن حي هالافي

تعال شوف غيبتك كيف أثرت فيني

تعال شفني ونا أغرق عقب مجدافي

تعال خذني ورح بي من عناويني

تعبت أعدي على جمرك ونا حافي

تعال وأقطف بصوتك زهرة سنيني

كل المواعيد عقبك شمعها طافي

تعال وأزرع خصل شعرك بكفيني

بضمها لين احس بليلك الضافي

تعالي ويش فيك خايف أنت ناسيني

قطعت صوتي عليك وطال مقافي

حتى بديت أشعر ان الحب معميني

وان أنت حلم عثى فيني ونا غافي

لكن أمانه ترى الي فيني كافيني

أنرحت منك كذا ما رحت متعافي

بصدق الحلم وأحذر لا تصحيني

في خاطري كلمتين انقلتها كافي

امانة الله عليك أن غبت عن عيني

ليكون قلبك مثل قلب الزمن جافي

مع كل دمعه تذكر رعشة أديني

ومع كل ضحكه تذكر قلبي الوافي