من الذكاء انك تسـوي نفسـك احيانـا غبـي

ان كنت أنا أخطي شي طبيعي لأن انا ماني نبي
محد عصمه الله من الاخطـاء يكـود الانبيـاء
فعلا انا اخطي بس ضوي ما تشب الا حطبـي
اطمح ولولا الليل محـدٍ شـاف فايـده الضيـا
امشي ولو اموت وانا امشي ولكن مـا احبـي
ولا اعشق الصوره ولا الكربون ولا اعشق هيا
كل ما اتعثر قلت في نفسي وانا أمَـس شنبـي
يـا كم بالدنيـا فقيـر ويحسدونـه اثريـا
ابغا اتوحد وانت خذ مزهب واتـرك مزهبـي
كنا اخويا ومن بعد ما زليـت ماحـن بخويـا
ابعصم رجيلي عـن دروب السخافـه ياصبـي
لاني حياوي والدروب السود مـا فيهـا حيـا
تعـال وادعنـي وداع الارض للحـر الأبـي
انـا بأعلـي وان دعييتـك فالعفـو للانقـيـاء
ماني منادي باسمك اللي مـا تسمـواه اجنبـي
فان قلت لك يا اعرف اني حاشمك لاقلـت يـا
يـا والله وبالله وبعـد الله وبــي وبسبـبـي
صارت شياطين الحـروف المستهيمـه أتقيـا
وان شفتني متعب هجوسي برسم راس الظبـي
فماهوعلى شان اكسب اعجاب ريمـان وهيـا
لا لا انا مخلـوق مبـدع مـا يحـب ومايبـي
الا يقول الاذكيـاء سبـت رسـوب الاغبيـاء
من الذكاء انك تسـوي نفسـك احيانـا غبـي