البنت والشاب...حكاية حب ماتت قبل أن تبدأ...!!

البنت والشاب...حكاية حب ماتت قبل أن تبدأ...!!

--------------------------------------------------------------------------------



بسم الله الرحمن الرحيم

السلام عليكم والرحمه

شحالكم الغالين وشخباركم

جايب لكم اليوم قصة واقعية صارت ونقلتها عن كاتبتها واخذت منها الاذن بالنقل

وبنزلها على اجزاء ان شاءالله ^__^


-------


طبعا القصه حقيقيه ..لكن الكاتبة غيرت فيها شغلات لزووم الاحداث ..



ان شاء الله تعجبكم ..

--------
نبدا القصه ...

شخصيات القصه..

ساره...وغبدالله ...وخليفه







ساره فتاه مرحه تحب الحياه وحنونه ..عاطفيه جدا ورومنسيه ..يعني باختصار الدنيا ورديه عندها ...في يوم من الايام كانت جالسه في غرفتها ..ما عندها شي تسويه ..كانت فتره اجازة .. وهي مخلصه دوام..طالعت بطرف عينها غرفتهاوقالت انها لازم ترتبها .. وقبل ما تبداالترتيب لمحت اللاب توب مالها ..قالت في نفسها اتصفح النت وعقب ارتب الغرفه ..اعذار عشان تتهرب من تنظيف وترتيب الغرفه...

ودشت ساره النت ..وتمت تتصفح المواقع بدون هدف معين..وفتحت محرك البحث المشهور( قوقل) ..وكتبت فيه منتديات السعودية..وطبعا طلعت عندها نتائج البحث بعشرات المواقع السعودية ..لكن البنت اكتفت بأول موقع فقط..

تصفحت المنتدى عجبتها بعض المواضيع وقررت تسجل فيه...

ساره ما كانت تدري انه هذا المنتدى بيغير حياتها الورديه ..وبيقلب موازين ومفاهيم الامور عندها 180 درجه..

سبحان الله الواحد ما يعرف شو مخبي له القدر...


المهم سجلت ساره في المنتدى ..وشاركت باول موضوع لها في المنتدى وهو عباره عن الترحيب المعتاد بالاعضاءا لجدد ..لكن ساره غير ..بما انها مرحه وحبوبه ..فأسلوبها في كتابه الموضوع بعد كان غير ...اسلوب مرح وحلو وبسيط ..الكل رحب فيها ..ووصلت عدد صفحات الترحيب الى 3 صفحات ما بين ترحيب وما بين رد من البنت على اللي رحبوا فيها... ومن بينهم ..عبدالله..


عبدالله وقتها كان مشرف مشاركاته عدت ال 9000 مشاركة

مشرف نشيط ومميز ..

ومع ها الشي ما لفت نظر ساره...تمت ساره تشارك وتشارك ..ولان اسلوبها كان حلو وحبوب فالكل حبها ..ومن طبعها ساره انها ما كانت تتدخل في المشاحنات اللي تصير في المنتدى بين بعض الاعضاء...وهذا الشي الحلو فيها ..

ومره من المرات كانت في الاستراحه او الفرفشه مثل ما يسمونها ..وكان عبدالله
متواجد ..وما كان احد غيرهم هم الاثنين في المنتدى في الفتره هذه ..فكانوا يشاركون في الالعاب مع بعض ويردون على بعض في المواضيع ..ولفتت ساره نظر عبدالله اكثر واكثر ...وساره حبت اسلوب عبدالله..وصار بينهم نوع من التفاهم الصامت ,.

المهم مرت الايام وساره وغبدالله على نفس المستوى من العلاقه ..بس في المنتدى..

مره عبدالله شاف ان ساره مظهره ايميلها في المنتدي تحت اسمها...وفكر في نفسه اضيفها ..اذا قبلت كان بها والا عادي الامر بالنسبه له ...

المهم دشت ساره النت ..اللي ما يعرفه عبدالله الين يومكم هذا ان ساره ما حطت ايميلها الا عشان عبدالله يضيفها ..وهي كانت متاكده 100% انه بيضيفها ..لانها حست بالاعجاب اللي بينهم ..

واول ما فتحت المسنجر لقت ايميله جدامها ما صدقت عمرها وما خاب ظنها ..قبلته عندها ..

ودار بينهم الحوار التالي ::::


عبدالله ::

سلاااام عليكم

ساره ::

عليكم السلام والرحمه..منو معاي؟؟!!

عدالله:::

انا ...عبدالله من منتدى ..... شفت ايميلك ظاهر قلت اضيفج عندي ..

ساره:::

اهااا

عبدالله::

اذا ما تبين عادي احذفيني والسموحه منك ..

ساره :::

لا عادي ...شخبارك...

عدالله ::

الحمد الله بخير وبنعمه وانتي ؟؟

...............


ودار الحوار بينهم على ها الاساس ..واستانست ساره وااااجد وكانت الدنيا على قولتهم مش سايعاها من الفرحه..

من الجهه الثانيه عبدالله بعد كان ووواجد مستانس ..ساره مو من البنات اللي يمدحن نفسهن ..حبوبه وعلى طبيعتها ..عجبه اسلوبها اكثر وبساطتها في الكلام ...حب خفه دمها وااااجد..

ومرت الايام والشهور بينهم كانوا يتواعدون على المسنجر ..ويتمون يسولفون الين وقت صلاه الصبح ..ويتفقون على موعد جدجد ..

ساره وعبدالله شكلوا ثنائي حلو في المنتدى ..عبدالله بما انه مشرف وله مكانته في المنتدى والكل مسويله الف حساب بسبب مواضيعه ومشاراكاته المتميزه ..وساره بسبب اسلوبها الرائع وخفه دمها ..وكانت تتجرا على عبدالله في المنتدى وتتدلع عليه ..

كانت تعرف انه ما يقدريقول شي ..تعرف انها تموون عنده..وهو عارف ها الشي وعاجبه وساكت ..لو حد ثاني والله ما كان سكت له...بس هذه ساره ...

هو ما كان يعرف الشعور اللي يحس فيه تجاهها ..هو اعجاب او ..حب..اكثر من مره في المسنجر كان يتبادل هو وياها المسجات كتابه ...

ومرات ينغز عليها بالكلام يقول انه عنده رسائل وسائط واااجد حلوه بس
طويله وما فيه يكتبها ..

يعني افهمي يا ساره ابي رقم موبايلك..

ساره مب غبيه كانت تفهم قصد عبدالله..بس كانت خايفه ,,,كان ودها تعطيه رقمها اليوم قبل باكر ،، بس كانت خايفه ..

واكثر من مره لمح لها عبدالله بها الشي .. بس هي تصده بطريقه لطيفه ..ومره ما قدرت تتحمل ..كثر الحاحه عليها
قالت له ::

ساره ::: انت اعطيني رقمك وانا بتصل فيك اذا قدرت..

غبدالله ما كذب خبر ..على طووول كتب رقمه وارسله لها ...



مر اليوم الااول والثاني والثالث ما اتصلت ساره ...

وتقابلوا على المسنجر..

غدالله::

ياساااره انتي مو مجبوره تكلميني ..لكن اذا ما تبين تتصلين ليش خليتيني اعطيك الرقم..؟؟؟

ساره::

ياعبدالله انت تعرف اني ودي اسمع صوتك وودي اكلمك بس انا.. انا خايفه الصراحه..

عبدالله:::

افا والله يا سااااره خايفه مني انا ..من عبدالله ......افا والله ما كنت اعرف اني فكرتك سيئه عني ..

ساااره:::

لا لا لا عبودي انا مب خايفه منك انت ..

عبدالله ::

اجيل اذا مب خايفه مني خايفه من شنهو..

ساااره :::

.................

الوووووووووو:

ساااره كلميني لا تسكتين ...اذا لي خاطر عندك خبريني شو فيك وانا بتفهم..

سااااره :::

ياعبدالله انا ..انا الصراحه ..خايفه ..خايفه انك تاخذ عني فكره غلط..وتقول انا راعيه شباب غيرك وايديين ..لان هذه فكره الشباب عن البنات اللي يكلمونهم.صح او لا..

عبدالله::

افا ياساااره ..وانتي ظنك فيني الحين كذيه ..يعني انا ما عرفتك عدل ..وما اعرف منو ساره..
انا اعرف الاشخاص من اسلوبهم في الكلام معي ..وانا اعرف انك مب راعيه سوالف يا ساره ..

ساره::

والله..؟؟

عبدالله،:::

ياساره صدقيني لو اني اعرف انك راعيه حركات و شباب ان ما تميت وياك الين الحين ..وانا اصلا ما احب البنات اللي يلعبن ..وانا رجال واعرف افرق بين البنت اللي تلعب والبنت الشريفه عدل..

ساره :::

.......

عبد::

خلاص ياساره خلاص مب لازم اذا انتي خايفه نتم اصدقاء على المسنجر احسن ..اوكيه لا تضايقين عمري...