معاتبة المحبة لحبيبهاا

معاتبة المحبه لحبيبها
قصـــــــــــــة

أول حبنا دلال و حنان و أشجان

وآخر حبنا دموع وهموم وأحزان

بدينا بإخلاص و وفا و أمان

و تواعدنا ما نخون مهما خان الزمان

و وفبنا و استمرينا على هذا الوعد

وحلفنا لبعضنا ما نخون العهد

نغسل دموعنا وما نوريها أحد

و مع مرور الشهور والأيام

و مع محاولة تحقيقنا لبعض الأحلام

لا حظت على حبيبي انه تغير

و معاملته لي بدت تتغير

أصبح حبيبي دوم يزعلني

و كان بالأول ما وده بلحظه يفارقني

صار دوم يتعذر بغيابه عني وأصبح دايم يقول انه مشغول وأن رجع البيت يكلمني

أو يقول انه على النت و إن فصل يكلمني

وصار دوم ليل ونهار يعاتبني

كنت أظن إني مخطيه بحقه أو هو تقصير مني

وكنت أحيانا و إنه أكلمه يجيله خط ثاني وبسرعه يسكر الخط مني

يتعذر انه ما عنده كرت وهو عمره من تليفونه ماكان يكلمني

أصبح قلبي من ناحيته دوم ينقزني

صار تفكيري مشغول حيل فيه ومكالماته صارت تشغلني

أحط له الأعذار وهو ابد ما يعذرني

بكلام جارح صار دوم يخاطبني

وان شكيت آنا منه إليه يسكت ويحاول يساحلني

أرضي أنا بسرعه وهذا كان الخطى مني

وبعد مرور ثلاثة أشهر على هالحال

صار اللي عمره ما يخطر على البال

قال لي حبيبي انه يكلم غيري لكنه الحين تركها

طيري ما عاد أهو طيري وانصدمت انا باسمها

عذره كان اسمها حبها مجرد لأسمها

قلت له تتركني لأسمها روح لها وخل تنفعك واوهمها

أوهمها انك تحبها وبحبك لها اوهمها



انا اللي حبيتك وأغليتك تتركني وتخونني علشان اسمها

وش يفيد الحب بها لزمن دام انك خنته

انا قلبي تركته معك لكنك كسرته

جرحتني وما عاد بعد يبقى شي اصدقه

دمعتي صارت عندك رخيصا بالحيل رخيصا وحبي لك أنا يا حبيبي خنته

ما أ قدر أقول إلا الله يسامحك

وإذا غيري يقدر يسامحك أنا عمري ما راح أسامحك

لأني ما قصرت معك بشي وأنت يا حبيبي جازيتني بغدر ك وخيانتك

و أرجوك خلني لوحدي وخل تنفعك خيانتك

لأن اللي يخون مره ممكن يخون اكثر من مره يخون

ودام هذي سواتك يعلم الله إني أحبك ولا يمكن مثلك أخون

رده كان البكي وكان يقول

محبو بتي انا احبك وبحبك مجنون

وبها لعالم مثل حبك لي عمري ما راح ألقى يا نظر العيون

سامحيني وهذي غلطة واحد مجنون

ما كان يدري إن اللي عنده ما بيلقى مثلها حبيبه مهما يسوون

أرجوج سامحيني يا نبض القلب

يا للي عشت معاج أحلى قصة حب

قلت له والله إني أحبك مهما تسوي فيني

لكنك جرحتني وجاي الحين تواسيني

الله يسامحك و أرجوك الحين تخليني

وتركني حبيب الروح ساعه وبعدها كلمني

وقالي اشلون الحلوه الحين وبضحكه استقبلني

قال لي أبي اسمع منج كلمه انج راضيه عني

تر والله زعلج علي كل شوي يطعني

قلت له تصدق عمري ما فكرت انه ممكن تخدعني أو في لحظه تستغفلني

لكن قلبي كان حاس بس الحمد لله اله نورني

وخلاك تعترف وتقولي عن الحقيقه وتفهمني

بس أبيك تعرف شي واحد إن حبي لك أكبر منك و مني.....