مع السـلامه

مـع السلامـه لـو فقـدة السلامـه
وقلبي من الهجران والصد منصـاب
لاشـك فعلـك حـط فيـه العلامـه
الي تخلـي دمـع الاحـداق صبـاب
مانـي محمّلـك العتـب والمـلامـه
ولا أقول لو موتي سببك أنت الاسباب
ما كل مـن يغـرم يوافـق غرامـه
حتى ولو نـال المحبـه والاعجـاب
وماكل مـن يظهـر غـلاك بكلامـه
صادق ومن لايظهـر الـود كـذاب
واللـي يبيـع الـود لجـل الكرامـه
غلطان من لايحسـب لـوده حسـاب
حتى ولو يفـرض عليـك احترامـه
الحب ضيف وضيفته حسـن الاداب
مـع السلامـه حلـقـي ياحمـامـه
ورفّي جناحينك مع سهـول وهظـاب
و لاتنزليـن بجـرف والا عـدامـه
خلـي منازيلـك بوديـان وشـعـاب
وقوس الهواء لا صاب صدرك سهامه
تذكري من مر لـه وقـت منصـاب
اللي يصحّيـه الغـلاء مـن منامـه
ويهل دمع الشوق من بيـن الاهـداب
مـع السلامـه رفرفـي ياحمـامـه
ومدّي جناحينك مع سهـول وهظـاب