0o0بعض اشعار حامد زيد0o0

السلام عليكم ورحمه الله وبركاته

حامد زيد شاعر غني عن التعريف

الحلم

http://www.movn.net/7amed_zeed/al_7lm.ram

من اول ما رجعت من السفر ما شفت لج بيته
وانا اللي كنت احسبج قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلج من زود فرحتج تبكين
واشوف بدمعتج حكيج واعرفه قبل تحكين
تقولين الوطن نور واقول بنور مضوينه
تقوليلي غديت احلى واقول عيونج الحلوين
كلام نام بشفاهج وخفتي لا تصحينه
ذخرتيه الغرام اللي ينام ويتركج تصحين
تغانمتي غيابي الين رجحتي موازينه
تعلم من يدج لمس الكفوف وعلمج تنسين
وليتج لا قيته شىء فيني ما تلاقينه
ما هو بغرورلكن خابرج ما لج امل تلقينه
تغافلج بغلا ولا الحلا ما هو من زينه
تزينه الصور ولا الصحبح ابن الحلال زوين
وانا ما ني بناقص عنه يوم انج تبدينه
نصيبي هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل ما ني حلو وبعد ما ني شين
اذا هداج الزهر عطره فانا اهديتج بساتينه
واذت الهاج فرح ليله فانا تهت لبكاج سنينه
واذا استظعفتج املاكه وشتتج ملايينه
فانا حتى فتات الخبز اقسمها معج نصين
طموحي بس اجي واظفر بشىء تستحقينه
تسلفته............ تدينته ............. سرقته
مو مهم من وين كاني من كثر ما ارضى
بكل اللي تمنينه لو انج تطلبين الله يعنيني بقول امين
انا ما العب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدو بالذات عيب اللي تسوينه
حلاتج لا عشقتيني تعشقيني ليوم الدين
غرام يسكن ظلوعج حشيمه من مجانينه
جفا يجمع معزتنا ولا عشق يذل اثنين
كثار اللي تحدوني وقالوا لي لا تخلينه
امانه لا تخليني صغير في عينهم تكفين
لاني كل ما قالوا صغير اقول مسكينه
عليج الله وامانه انا خايف ليل طاح الجمل تكثر سكاكينه
وانا ما عادت ظلوعي تحمل طعنة السكين
مثل ما قالوا المكتوب واضح من عناوينه

هذه أنا القصيده أحب موت وما أنام الا اذا سمعتها في تلفوني

تحياتي:وردة أمل