اهداء الي المبدع قاصد

اخي قاصد حبيت اهديك هالقصيدة
لانك مبدع كثير ،،

*--

الأوله مرت كذا يا أهـل الخواطـر والمـزوح
مزحه خفيفه والسوالف مايجـي منهـا خطـر

غنيت للمجد التليـد وجيـت بالخيـل الجمـوح
شاعر عطـاه الله مفاتيـح المعانـي وإشتهـر

وغنيت للمجد الجديد وجيت في وقت الجـروح
اللي دواها فـي يـدي لوقالـوا الظافـر ظفـر

عزفي على أوتار القلوب وتنتشي به كـل روح
أعزف بلحظه ماعزفه اللي حسدني فـي شهـر

ياكبر هذا البحر والطوفان عنـد ألـواح نـوح
يصنع سفينه مايخاف الهـول وأمـواج البحـر

وإن طالت المده وطال العمـر وأيـام الفـروح
قسمت بسيوف القصايد روس وصدور وظهـر

النقد واجب مانبي نسمـع ولا صـوتٍ ينـوح
الشعر ماهو لعبـة الجهـال وصحـون السفـر

الشعر حكمه واضحه والصدر بأبياتـه نضـوح
واللي جهل يتعلّم أحسـن قبـل راسـه ينكسـر

هـذا وأنـا غيـمٍ تـرزّم قـام براّقـه يلـوح
إذا لقا الأرض السباخ أقفى وخيـره مـا قطـر

وهذي تمر بصدق ماهي بالخواطـر والمـزوح
الأوله مزحـه والأخـرى فـي معانيهـا خطـر

ابو السجاد سلمان