موت الــــــجرح

سهرت الليل من كثر الهموم وكثرة التفكير
وقلت الخير في وجه الصباح بقدرة الرحمان
ّّّّّّّّّّّّّّ*****
وتعبت من الصباح اللي يسمونه صباح الخير
وغنى شادي اللحن الجميل بعالي الاغصان
*****
الاياطير ياعذب اللحن خل الغنا ياطير
ترىالقلب الحزين يزيد حزنه باعذب الالحان
*****
وانا باعطيك مال وما ملكته لك بلا تقصير
وبعطيك العهود الوافيه ماانساك مهما كان
*****
وبحلف لك على القران بوفى العهد ياطير
واخذ مني كرم حاتم وعطني جملة الجنحان
*****
تعبت امشي واحث خطاي في درب الامل للسير
وانا عندي امل مثل السراب يزيد في النقصان
*****
وعندي حسره في الجوف عنها يعجز التعبير
وعندي ذاكره ياطير عيت تقبل النسيان
*****
وعندي جرح جا بين الضلوع العوج له تاثير
وله مس مثل مس العطش ياطير للعطشان
*****
وانا كني سجين طال سجنه في رجى التيسير
صدر في حقه السجن المؤبد بظلم وبهتان
*****