ايوة ياعسل السعودي وصل

يمة تدلل بستشيرك وانا امك بموضوع انا هذيك اليومين اللي غبت عن المنتدى

طحت على الدرج وانكسرت رجلي وانشلت ( قول الحمد لله على السلامة يمة ووجع مافيه تقدير لامك حبيبتك )

واثناء الوعكة( حلوة وعكة صحية من كثر مااشوف مسلسلات مدبلجة تأثرت ) الصحية لقيت معرس لاختك هنااا

منو هنااا ؟؟؟

شفيك يمة اختك هنااا اللي من زوجي المصري نسيت !!!

اي عاد انتي يمة رجالك واجد

خامة رجال من جميع الجنسيات !!!

وجع حاسدني على صحتي هذا انا طحت

خلينا نرجع لموضوعنا احسن من انشل من عينك

بل عليها عين

اقولك انا جلست مع الرجال اسولف

طلع شي

ارامكوا وامة لبنانية ماسنجر بارامكوا ( يمة مانجر يعني رئيس بارامكوا مو مسنجر )

يعني الولد حلو وعاقل مشالله و وظيفتة زينة

بس يمة من سواليفي وياه فهمت انه يبقى وحدة مواصفات واختك انت داري عنها

مايحتاج اتكلم ؟؟؟؟؟

دبة كل يوم قاعدة على المحاشي وتدب

وشعرها مسويتة ديرم هاللي يسون البنات يفركون شعرهم بالاسفلت وينفشونة ( يمة قصدك بيرم يعني مجعد )

والله عاد قول اللي تقول

وخشمها اعوج و تقول بوابات فنادق عندها مو خشم

وقصيرة قصفة قصف الله عودها

يعني محتاجة بالعربي مليون عملية تجميل

مافيهااااااااااا ولا شي سنع

وانا يمة ابيها تستانس حالها حال خواتها صج خواتها احلى منها خاصة اللي من زوجي المغربي والا التركي عاد احلى واحلى واحلى شعدد شخلي

بس انا مابيها تتحطم اجتمع ويا خوانك

دبروا لي مئة الف ويمكن احتاج زود بنسوي لها عمليات تحسين نسل

( يمة عمليات تجميل فضحتينا )

اذا مادبرت اقعد على باب المساجد واذا محتاج فزعة خوانك موجوديين يمكن تصير هوشة والا شي

هاااا يمة لاتقصر

ترى الرجال شرط علي شرط

قال اذا ماسرعتي بالموضوع انا مستعجل

واذا ماوافقت بنتك باخذك انتي

عور قلبي

نسيت الرجاجيل من زمان فتح جروووووووووووووووووح

يالله يمة شد الهمة