اللي على شأنـــــــــــــــه.....؟
|
|
|
|
تذبحني الغيره اذا دقيت جوالك والقاه انتظار
وتتبسم الدنيا بعيني لافتح خطك وقلتي لي آلو
لبا آلو من ثغر يشبه شمس في تالي النهار
واللي على شانه ابيع العمر لجل ادفع خلو
تدرين ياشمعة حياتي ويش معنى الانبهار
الانبهار اني اشوف عيونك الثنتين لامن سبلو
لاني انا الصوره وقلبك صارلي هو الااطار
وحبك مثل بير وقلبي صار له مثل الدلو
رسمت لك لوحه من الاشواق يكسوها الخضار
ماتنرسم باابداع ديفنشي واحساس انجلو
لاني انا شاعر واحوك البيت في كل اقتدار
وماني من اللي يفتخر بقول مالم يفعلو
احيان في شخصيتي تلقا حزن ماله مدار
من كثر خوفي من جنود فوق كتفي سجلو
فيارب تسترها معي بالليل ولا باالنهار
ولاتنزلني الوطى من بعد ماكنت بعلو
ويارب تلهمني الذكر اذا بلغت الاحتضار
في موقف يغمى علي والناس حولي زلزلو |
|
|
|
|
|