الكورة السعودية (( الله يرحم ايم زمان ))
اليوم موضوعي عن الكره السعوديه قديمآ
وحيث أنني من الجيل المخضرم ( يعني لحقت على الاشارات أبيض وأسود) هههه
عن أحوال الكوره قديمآ من حيث أسماء اللاعبين وطريقة التعليق وغيرها
نبدأ بأسماء اللاعبين تراها حقيقيه
عبدالقادر كتلوج، سعود الفصمه، أبوحطبه ، الصاروخ ، الغراب ، عبدالله كعكي
لطفي لبان (راعي علووك) ههههه فيروز أبو لمعه ،
التعليق
طبعآ فيه مصطلحات للتعليق أيام زمان مثل
القده تعني العارضه
عسااالي تعني ركل الكوره بقوه على غير سنع هههه يعني فسرتها الحين
يلعبها أوفر تعني يلعبها عاليه
الحيطه الحائط البشري يسمونه الطليانيه
طبعآ المباريات منقوله على الراديو وفي عالم التعليق ذلك الوقت
يقسمون الملعب إلى 8 مربعات علشان يوضحون وين مكان الكوره مثلآ
يقول الكوره دحين مع كتلوج في مربع رقم 1 ينقلها للأبو حطبه في مربع رقم 6 يعني بدأوا يدخلون في منطقة الخصم هههههه
لايفوتكم الملاعب ترابيه وخطوط الملعب أسمنت ابيض
حارس المرمى إذا شات الكوره من خط السته تطلع غبار من الاسمنت الابيض ويطول الغبار لين ترجع الهجمه على الحارس والغبار موجود عنده ههههه
الجمهور له تعليقات في المدرج مثل
إذا طافك الزول لاتطوفك رجله
أزحف له يعني انزل على رجل اللاعب
أيضآ إذا ارادوا يعيبون على اللاعب يقول مايعرف يلعب هذا من شلة طقها والحقها
واذا زعلو على اللاعب قالوا شق الفانيله يا فلان (أسم اللاعب
)
|