اعرف شخصيتك من البسكوتة!

اختبار جديد لكل الناس اللى بتدور على حاجة تحلل بيها شخصيتها
من غير لف ودورانوكالم مالوش معنى العلماء اكتشفوا اسهل طريقة علشان تعرف شخصيتك عاملة ازاى بالظبط

الطريقة الجديدة ببساطة شديدة اخترعوها من طريقة اكلك للبسكوت

-لوكنت من الناس اللى بياكلوا البسكوتة على مرة واحدة تبقى راجل حر ومسلى جدا والناس بتحبك موت بس عيبك انك واخد الامور ببساطة زيادةعن الازم..باستهتار شوية يعنى باختصار حضرتك غير مسئول وماينفعش حد يعتمد عليك يبقى تاكل البسكوت على مرتين احسن

-لوكنت بتاكل البسكوتة ببطء وكميات قليلة وتقعد تراقب كل قطمة تدخل بقك تبقى راجل منظم وكفاءة وعندك كل صفات الرجل المنظم المرتب الدقيق.لكن مشكلتك ان الناس مش بتحب (الخنقة)!

-لوبتحب البسكوت وهو متغمس فى الحليب او القهوة باللبن او النسكافيه مثلا..تبقى حبوب جدا جدا وعندك علطول حماس ومرح وماتعرفش يعنى ايه تكشيرة أبدا بتنسى دايما الحاجات اللى تعكر المزاج وتفكر فى الفرفشة بس المشكلة انك مش جد!-لو بتاكل البسكوت المحشى بطريقة اكل النصفين اللى فوق وبعد كدة تاكل الحشو تبقى شخص غيور جدا وده مناسب جدا لصفات البنت.على فكرة مشكلتك كمان انك بتبقى عارف كل حاجة بتحصل حواليك بس ساعة الجد بتركب اول مركب وتخلع!

-لو برضه بتاكل البسكوت المحشو بنفس الطريقة بس بترمى الحشو تبقى شخص مجازف جدا ودايما تاخد الناس لحم وترميهم عضم علشان مصلحتك.. باختصار يعنى حضرتك مطاع شوية والناس مش بتحبك للسبب ده!

-لوماعندكش طريقة محددة لاكل البسكوت اومش بتحب البسكوت من اصله يبقى احنا غلطانين اننا ضيعنا وقتك ووقتنا معاك