ترى الدنيا ماتسوى زعل

يا عمري الدنيا ما تسوى تنام وخاطرك زعلان

ولابه شي يخلي قلبك يعاني


طلبتك كان لي خاطر تبعدعنك الاحزان

فديت عيونك الحلوه تبسم لو على شاني
.
.
حبيبي صار لي مدة اشوفك تاية وحيران

وانا والله لا شفتك حزين تزود احزاني
.
.
انا احبك ولا ودي تعيش بدنيتك ندمان

ترى الايام محسوبة وتالي هالعمر فاني
.
.
تصدق بسمتك ولله تفرح خاطري الولهان

يطير من الفرح قلبي واصير بعالم ثاني
.
.
والى من شفتك بضيقة احس اني انا الغلطان

اعاتب نفسي بنفسي ولو ماكنت انا الجاني
.
.
غلاك بداخل عروقي ولايوصل غلاك انسان

يمر الوقت ويثبتلك غلاك ان الله احياني
.
.
اضحي بعمري لعيونك تنام انته وانا سهران

ونادي جروحك لقلبي تجي واحد ورى الثاني



منقول

الشاعر فيصل اليامي