مع السلامه دام مابه سلامه........

مع السلامه دام مابه سلامه

لا صرت بايعيني اشوفكـ على خير ..

مع السلامه دام مابه سلامه ..

قلت انتهينا قلت لك خير ياطير ..

ماني بأول شخص يخسر غرامه ..

محذرك قبلها الف تحذير ..

لي عفتني بيعوف قلبي هيامه ..

ماني بميت لا ولا احتاج تبرير ..

صح الله لسانك ووفر كلامه ..

بسمعك حبكه وفكره وتصوير ..

وافهم عدل يا مدعي بالفهامه ..

وجه الشعر ابيض ويحتاج تغيير ..

ودي تزين هالقصيده علامه ..

ماضيك الاسود بذكره دون تقصير ..

كذا يكون بخد هالشعر شامه ..

يصدق عي تعبير ويخون تعبير ..

وياضيعة الشاعر بوقت انسجامه ..

يمكن خطا ادونك بالشعر مير ..

لو ماحترمتك للغرام احترامه ..

ماكان حبك غير بس طعنتك غير ..

علمتني وشهو معنى الندم والندامه ..

ماجاك مني اي زله وتقصير ..

كل ماخطيت اعاتبك بابتسامه ..

حسبي على الذكرى اذا هبت أعصير ..

ماعاد تنفع شرهتي والملامه ..

البال ضامي وقتها والحز بير ..

خسرتك وهمي كسبت اهتمامه..

والليل فازعلك كذا جاني مغير ..

ظلمتني واكثر ظلمني ظلامه ..

لا اقبل علي اوحيته صوت المسايير ..

وفزيت كل ظيف اقوم بمقامه ..

ولي عزم هالليل ظيقه وتفكير ..

قولي بربك كيف اقدر انامه ..

مافي داعي للعتب والمعابير ..

الغدر خال الجرح واطيب عمامه ..

ان جاب الله مطر وتالي خير ..

ولا السلامه ماش مامن سلامه

*****

من اجمل ماقرات وحبيت انكم تقرونها معاي