بنات المغــــــــــرب

يابن الحلال إن طعتني خــــل الإسراف
واترك جمـــال الغيد لاهل البصيره
الزين مو بس الملامح والاوصــــــاف
الـــزين روح وعفه وطيب ســـــيره
مانيب مــــــــن يهوى”سريا وإنصاف”
أنا هـــــــــــواي وبس بنت الجزيره
بنت الخليج اللي تمـــــــاري بالأعراف
وحنا نمــــــــــاري باسمها كل ديره
مالي غـــــــــــــرام بقول وخّا وبالزاف
اذبحني عنـــد الطرحـــه المستديره
أحب قولــــة ياهـــلا وعلّ ماخــــــلاف
من بنت ثوبي بنت الأرض النضيره
اللي تحـــــلاها الظبي حلو الأطــــراف
جمــــــال في عفــه ورقــه وغيــره
واللي بهــا سحر مــــو سحر عــــراف
ياعـــــــل عينٍ ماتراهــــــا ضريره
عطف وحنان وذوق في لين الأعطاف
والى كشفت لثامها شفت أميـــــــره
صعبه على اللي بالردى شاف ماعاف
وحلوه على اللي سنــه الله ضميره
شمسٍ إلى من اشرقت والدجا طـــاف
غابت نجومك غصب لــو هي كثيره
السيف مــــــايزهى سوى كف سياف
والخيل دون حصــــــــانها مستخيره
بس أنت دور لك عــــلى قـــدك لحاف
وإن طعتني دور بدلنا عشـــــــــــيره


شعر الامير طلال الرشيد