تعال / ي انت مدعوا

مرحبا

الكلام موجه للجنسين ( الذكر والأنثى )

ايش فيك من تسمع كلمه الا تضايقت وهبيت في الي حواليك

ايش فيك من تسمع كلمه الا ورحت قلتيها بسرعه للغير

ايش فيك من تمر بمشكلة رحت او رحتي قايلها للغير وتكبر المشكله

ويتدخل الغير فيكم وتصير الحبه قبه

ايش فيك من يلف عليك احد بالسيارة في الشارع الا ولعنته وشتمته ويمكن

( اكرمكم الله ( وبصقت في وجهه ) مش يمكن شايب او يمكن نظره على قده

ايش فيك من تحس انك مفلس تروح تطر على الأبواب ( استح )

ايش فيك من يعصب عليك أحد في البيت الا وتركت البيت او قام الصراخ والطق والمطاقق

ايش فيك من يطلب منك مديرك ويكلفك بعمل وهو من اختصاصك الا وتنرفزت وتحاول
توزعه على زملائك لانك مشغول بالنت وحساباتك وتداولك بالاسهم وقت الدوام

ايش فيك من تقعد عند التلفزيون الا والريموت شغال من محطه الى محطه ( شات )
وأغاني هابطه و وووووووووووو وووو ( كثر من الواو ووووووووووو فيها كثير ؟؟؟؟؟

ايش فيك من تقعد ويا اصدقائك او زملائك واي شخص يتكلم في اي موضوع تنط وتدخل
في النص وكأنك عارف الموضوع وفاهم كل أمورالحياة ( عجبي ) يركدون اشوي .

ايش فيك من يطرق بابك أحد الا وتضايقت ( تحسبه طرار او يبغي خدمه او يستلف سيارة
من سياييرك . جايز ها الشخص محتاج وفقير .

ايش فيك من تشوف طرار بالشارع تهينه وتوبخه ( يا تعطيه المقسوم او تخليه يروح في

حاله ولا تهينيه ( اقل شي تقول له الله يعطيك الله كريم )

ايش فيك من تسمعين مشكله عند فلانه او قريبه الا ونشرتيها لجميع صديقاتك

وسولفتي عند الي يسوى والي مايسوى وصارت قصه عندكم .

ايش فيك من يطالبك احد بفلوس قمت وتهربت واذا جاك لبيتكم تقول حق اعيالك قولوا له غير

موجود وانت بالبينت وتستهزأ به ( يا خي سدد اللي عليك وواجه الرجال لا تتخشش بين الحريم

ايش فيك إذا أحد يبغيك في البيت لتوصيله او خدمه تقوم تهرب من الباب الثاني ( باب الحريم )

ايش فيك ما تزور اهلك وأقاربك وعائلتك وتواصلهم فصله الرحم تطول العمر وتبارك بالرزق )

ايش فيك لما تطلع من بيتكم رايح زيارة لشخص معين او معزوم على سهره او زواج ما تتكشخ

ولا بس لك ثوب البيت ( ثوب النوم ( نص كم والأزرار مقطوعه ) اكشخ حالك حال البشر .

ايش فيك تروح لمراجعه بعض الدوائر بثوب البيت او بالسروال الطويل والفانيله العلاقي اونص كم .

ايش فيك ...

ايش فيك ..


كثير من هذه التصرفات تحدث في حياتنا ..

فهل تستطيع تغيير ذاتك ونفسك وشخصيتك للأحسن

أذا تابعونا في الحلقات القادمة بإذن الله

وسوف نبدأ الحلقات قريبا ...

بعد أن نرى تفاعل من جميع الأعضاء

تحياتي