قصيدة تبكي......................

قصيدة مؤثره
*يـا ليتنـي خدامـة بيـن اياديـك .. من شان اشوفك كل يوم برضايـا*


(ماعاش من يخليك خادمة يا يمه انا لي اشتغل عندك خادمه ولا اوفي بحقك .)


هذي قصيده مؤثرة لأم تشكي حالها بعد انادخلها ولدها (الله يهديه
) للمصحه (دار العجزه) او كما يقااال ( دار النسيان)

والبيت أعلاه يبكي حتى القلب القاسي



اترككم مع القصيده


وين انت يا حمدان امـك تناديـك .. وراك مـا تسمـــع شكايـــا وندايــــــا
يا مسندي قلبي على الدوم يطريـك .. ما غبت عن عيني وطيفك سمايـا
هـذي ثلاث سنيـن والعيـن تبكيــك .. ما شفـت زولك زايـر يــــا ضنايـــا
تذكر حياتي يـوم اشيلـك واداريـك . . والاعبـك دايــم وتمشـــي ورايـــا
ترقد على صوتي وحضني يدفيـك .. ما غيرك احـدٍ ساكــن فـي حشايـــا
واليا مرضت اسهر بقربك واداريك .. ما ذوق طعم النوم صبـح ومسايـا
يـاما عطيـتك من حنانـي وبعطيــك .. تكبــر وتكبـر بالأــمـل يـــا منايــــا
لكن خساره بعتني اليـوم وشفيـك .. واخلصت للزوجـه وانا لي شقايـــا
انا ادري انها قاسيـه مــا تخليـك .. قاـلت عجــوزك مــا ابيـهـا معايــــا
خليتني وسط المصحه وانا ارجيك .. هذا جزا المعروف وهـذا جزايـــا
يــا ليتنـي خدامـة بيـن اياديــك .. من شان اشوفك كـل يـوم برضـايــــا
مشكور يا ولدي وتشكر مساعيـك .. وادعـي لـك الله دايــم بالهدايـــــا
حمدان يا حمـدان امـك توصيـك .. اخاف من تلحق تشـوف الوصايــــا
اوصيت دكتور المصحه بيعطيـك .. رسالتـي وحـروفـهـا مــن بكايــــــا
وان مت لا تبخل علـي بدعاويـك .. واطلب لي الغفران وهـذا رجايــــا
وامـطر تراب القـبر بدموع عينيـك .. ما عــاد ينفعــك النــدم والنعايــا


(حسبي الله ونعم الوكيــــــــــــــل)


منقولة