بطلت العشق ونسيت الأشعار

بطلت العشق ونسيت الأشعار
وطلقت الشعر من غير رجعة...

شعندي وية الشعر من بعد الأحباب
والمن القي شعري ومن يسمعه...


اريد انهي البديته اليوم وارتاح
واريد بهالقصيدة اليوم اودعك...


تسعى الناس تسمع مني اشعار
وآني وشعري كله لقلبك اسعي...


وسبعة من الإسبوع تصير الأيام
بس وياك احس اليوم سبعة...


طبعة وبالقلب خليت واختام
ومن طبع القلب ما ينسى طبعه...


ربع من القلب للناس محجوز
وإلك كل القلب ناسة وية ربعه...


عفت شغلي وبقيت وياك محتار
ولقيت بمحبتك اني خوش صنعه...


لجل عينك جرعت هواي عذال
وسكرت بعشكك اني بغير جرعه...


مو صوج الوكت... لابينه هالصوج
اليحب بهالوكت يا كبر وجعه...

عاتبني الشعر بحروف الأبيات
شنو ذنب الوصل عني تقطعه؟

لأن ما ظلي غيرك يسمع جروح
وكبر جرحي يابحرك صار وسعه....