اللهم صل وسلم على سيدنا و نبينا محمد وآله وصحبه اجمعين


 

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :

قريبا

العودة   منتديات تدلـل1 > المنتديات الادبيه > يحكى أن

 
 
أدوات الموضوع انواع عرض الموضوع
#1  
قديم 08-12-2011, 08:16 AM
همسة وفا متواجد حالياً
أوسمتـــي ~
وسام المركز لأول 
لوني المفضل : Cadetblue
رقم العضوية : 4474
تاريخ التسجيل : Feb 2011
فترة الأقامة : 4787 يوم
أخر زيارة : 03-23-2024
المشاركات : 12,730 [ + ]
عدد النقاط : 33
قوة الترشيح : همسة وفا is on a distinguished road
افتراضي قــــــــــــصه حقيقيه لطالب جامعي في الرياض"""



فتحت درج السيآره وشفت الظرف ..





هذي قصه حقيقة لطالب في احدى الجامعات في الرياض ..

والله العظيم اني اعرفه شخصيا لم اره في حياتي متكدر او متضايق او مزاجه عكر او مهموم
والله لايدخل عندنا القاعه الا وهو متبسم ومبسوط ونفسيته والله العظيم لاتقارن بغيرها
والله ماهو ملتزم يعني ماهو مطوع ولاهو الي متشد, ولد طبيعي زيه زي اي شاب من شباب الرياض

ولكن معروف عنه مايترك الصلاه ابدا يصليها بوقتها, ومع ذلك طبيعي يطلع يروح يجي

ههههههههه يموت في شي اسمه بالوت هو صديقي مقرب, اعرفه من 17 سنه
مع اني اقرب المقربين له ماعلمني انه كافل
لكني اكتشفت لما ركبت معاه السياره ونزل هو يشتري من اسواق التميمي,
فتحت الدرج حق سيارته بطلع شريط بتسمع لقيت ظرف وانا طبيعتي ملقوف ,
فكيت الظرف وهنا صراحه صعقت اكتشفت انه كافل ثلاث ايتام وحده عمرها 18
وحده 8 سنين وحده سنتين والله اني بكيت سبحان اللي يسرله هالعمل الصالح

والله ياناس مو باين عليه ابدا يوم رجع وركب السياره طبعاً هو مرح جدا,
طلع توكس وصقعه بخشتي قال خذ واستغرب شافيني ساكت
قال شفيك قلت ولد انت كافل ايتام؟
هو برطم وسكت شوي وضحك قال امم ايه
قلت بالله وشو اللي خلاك تسوي عمل عظيم زي كذا
قال والله السبب واحد قريت حديث عن الرسول يقول


(( انا وكافل اليتيم في الجنه كهاتين ))

واشار بيده الرسول بالسبابه والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ والله

ان ربي ساترني ورب الكعبه ان الفلوس ماتنقصني

وابوي وامي راضين علي واقسم بالله ماقد اصعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بالله

اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني

مهما اوصف ماراح تحسون في اللي احس فيه

فقلت له ابي اكفل زيك قال خلاص ورحنا اليوم الثاني المكان اسمه

مؤسسة مكه المكرمه الخيريه

هم لهم كذا فرع بالرياض والسعوديه وفروعهم هي

مكه+المدينه+جده+الطائف+الخرج+ا لدلم+الافلاج+الدمام+ الاحساء+الخفجي+

حفر الباطن+حائل+الزلفي+القصيم

والكفاله للأيتام داخل السعوديه 200 ريال

والكفاله للأيتام خارج السعوديه 100 ريال



اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه

واذا ماتبي تكفل

اتمنى ان تساعدني في نشر القصه لاكبر شريحه ممكنه واسأل الله ان لايحرمنا الاجر


تقبلو تحياتي
منقوول ليعم الاجر
والخير



رد مع اقتباس
 

الكلمات الدلالية (Tags)
قــــــــــــصه حقيقيه لطالب جامعي في الرياض


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مدرسة لغة إنجليزية تتنكر فى صورة "روبوت" لتعليم الأطفال.. مستر "can" antaumry - الأخبار والأعلانات المتنوعه واحداث العالم 4 09-09-2015 08:19 PM
تحضير جديد " بنات "المواد العربية المرحلة الثانوية " الأول"و "والثاني" و"والثالث" باسل التحاضير المدرسيه واللغات 5 01-11-2011 07:05 PM
بدآل " آسمي " كتبت " آسسمك " وللآسستآذهـ سسلمتهـ مــلآك الـروووح همسات شعر وخواطر ( الكلام المنقول) 3 01-09-2011 02:27 PM
آآآآآكلك منين يابطة ؟؟؟ """ أزياء تنكرية للأطفال تجننننننن """ سارية الحياة الزوجية والأطفال 5 07-21-2009 09:30 AM
تحضير جديد " بنات " مواد التربية الاسلامية المرحلة الثانوية " الصف الاول " والثاني " باسل التحاضير المدرسيه واللغات 5 02-23-2009 04:58 PM


الساعة الآن 09:34 PM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

هذا الموقع يستعمل منتجات MARCO1