قصيدة قالتها وحدة بعد ما توفيت أمها .. الله يرحمها

هيضت عبرات من أقصى الحشى ألحقتها بونّات
من عقب فراق أمي يا شين دنياي
ضاقت علي الأرض من بعدها ومليت
هي بهجتي بدنياي وهي حياتي
هي فرجتي بضيقتي اليا عليها أفضيت
أفضي لها بسري وحالي وشكواي
أم حنون سموح تغفل الزلات
يا كثر ماتقابل زلتي بالمزوحِ
وعيالي من بعدها جا لهم ضيقات
قالوا يا يمة وين هاك القلب العطوفي
وين بيتنا اللي لنا فيه صولات
وين امنا اللي بنا تروفي
وعبد الإله لخالد يقول الحوش هذا له لا تفوتِ
به وحشة ياخوي وله لا تشوفي
وياشين بيتٍ كنت أروده كل ما أصبحت وأمسيت
واليوم ماني بشوفته شفوقي
منول أفتخر به كل ما أقبلت وأقفيت
واليوم الباب مصكوك وتجهت عليه السوافي
يا الله ياللي أرجيه كل ماترجيت
ترحم أميمتي وتحشرها مع الأبراري
وتخلي لنا منيرة اللي بيتها لنا بيت
وحصة ونورة اللي شوفتهن تشرح البالي
( وفلانة ) ترى والله ماعنها تخليت
بطبعها عطوف على صغار وكباري



*--

صح السانك اخوي
والله يرحم الجميع برجمته إن شاء الله
أختيار جدا جميل
وكلمات مؤثرة للغاية
شكرا لك
دمت بود

السلام عليكم ورحمة الله وبركاته
اخي العزيز سفير القلوب
معاناة كبيره عاشتها هذة الابنة
صبرها الله

شكرا لك و صح لسانك

تحياتي

اشكركم كل الشكر على التعليق


تحياتى لكما