قصيده المجروح\\رحمه الله\\اه من طيش القصيد

بسم الله الرحمن الرحيم


اعزائي قراء منتدى تدلل اليكم بعض من قصائد المجروح يرحمه الله وغفر له





أه من طيش القصيد ومن شقاه ومن هباله
.. واه من شيٍ يحد النفس وازعلها عليّه

شاعرٍ لا ضاق صدره من زعل طوح عقاله
.. وجر دلوه من قليب الشعر واخرجها رويّه

له ثلاث ايام ما ذاق المنام ولا هناله
.. كل ماغمض جفن عينه تبعد عن خويّه

قلت في نفسي ومن ضيم الزمان وسؤاله
.. ليه لامن ضقت ما اجر اللحون السامريّه

لا ذكرت الشايب اللي كنت انا اصغر عياله
.. كنت احس بقيمتي عنده واحس ابمقدريّه

كنت انام بوسط بشته واتفيا في ظلاله
.. كان كله لي لحاف وعن سموم الفيض فيّه

كنت اعرف انه يعاني بس يكتمها بحاله
.. اعرف رجلٍ صبور وضيقته دايم خفيّه

اذكر انه يوم ناداني وهو جالس لحاله
.. قال ياذخري تعال اعطيك من عندي وصيّه

واذكر انه صد عني بس مدري وش طراله
.. كان ماوده يبين لوعت الايام ليّه

اذكر انه قالي لاتاخذ الدنيا جهاله
.. التجارب فالحياه وكل نفس إلها منيّه

والابن آدم لا تعافه والزمن طاف وصفاله
.. لا يحسب ان الليالي كلها دايم هنيّه

ياوليدي والجمل لامن برك للحمل شاله
.. والرغى عقب الهدير يضعف النفس القويّه

ياوليدي وان فعل بك طيب لا تنسى الجماله
.. كان ماتقدر ترد الطيب لا تجزاه سيّه

ولا تمن الليا عطيت ولا تدور لك جزاله
.. ولا تدور من ضعيف النفس جود ولا عطيّه

ولا تصير المنخل اللي تجتمع فيه الحثاله
.. ولاتصير الخايب اللي فوته دايم رديّه

عقبها من يوم سافر كنت افكر وش جراله
.. كنت تحسبه راح طرقي واثرها روحه مديّه

يوم روح كل عرقٍ في معاليقي بكاله
.. كنت امش الدمع من عيني واقول الله وليّه

كنت اقول انه يعود بس خانت به لياله
.. اه من قل العزى للحين افكر في مجيّه

والله انه في جنوب القلب مدري في شماله
.. لين اموت ونار بعده في حنايا القلب حيّه

اتخيل صورته فالحلم واناجي خياله
.. واتمنى جيته لابارو الاقراب فيّه

ليت ابويا حي يرزق لو انا ميت بداله
.. والله اني ما اتحسف لو غدت عمري ضحيّه

ياعسى مزنٍ يلوح البرق في مقدم خياله
.. يسبقه ريح المطر وتبشر الدار السنيّه

تدفعه صلف الهبوب وصاخب الرعد ايحداله
.. ويتسابق للثرى غمال غيثه وابرديّه

ياعساه لقبر ابوي يصب سيله فوق جاله
.. لين يصبح من بعدها القبر كنه مزهريّه

وياعسى الله يرحمه ويسكنه دار العداله
.. وياعساه بجنه الفردوس يسكن مع نبيّه

قلتها وانا اتجمل بالصبر واقول داله
.. لو ان حزني ماتكفيه الحروف الابجديّه

واه من طيش القصيد ومن شقاه ومن هباله
.. يكش

اللة يرحمه ويسكن روحه الجنة

قصيدة رائعه

الله يرحمه ويسكنه فسيح جناته

فقدنا أخ عزيز على قلوبنا
ذكراه لا تزال عالقه في قلوبنا

ولن ننساه ابداااااا لانه عايش في عقولنا وقلوبنا

وندعوا له بالرحمة المغفره

ولا تحرمينا من ذكرياته وكتاباته

ِ

اللة يرحمة ويسكنة فسيح الجنان
مشكورة اخت توت على نقلك لقصائد الاخ المجروح اللة يرحمة

مشكورة توت على نقلك لقصيدة الاخ العزيز المجروح


رحمة اللة وادخلة في فسي حجناتة ولا تحرمينة من قصائدة







تحياتي

قصيدة رائعه

الله يرحمه ويسكنه فسيح جناته

فقدنا أخ عزيز على قلوبنا
ذكراه لا تزال عالقه في قلوبنا

ولن ننساه ابداااااا لانه عايش في عقولنا وقلوبنا

وندعوا له بالرحمة المغفره

ولا تحرمينا من ذكرياته وكتاباته

ِ

اللهم ارحم المؤمنين والمؤمنات جميعاا

واغفر لهم

قصيده جميله شكرررا