قصيدة ( لبو فاضل تحيه )

✨خدمة محبي باسم الكربلائي تقدم لكم :

قصيدة ( لبو فاضل تحيه )
اداء الرادود الحسيني باسم الكربلائي
الشاعر عبد الخالق المحنه

بالقبور مصاحف اربعه
يرتلون كتاب المشرعه
ع قبر الوفيه لبو فاضل تحيه
🕌🔸🔹🔸🔹🔸🔹🔸🕌
بالقبور يرتلون اربعه ائمه قصة الكافل
يذكرون كرامات بدر العشير والله يستاهل
يعلنون والاخبار من البقيع انطو خبر عاجل
يريدون يحولون يوم البقيع باسم ابو فاضل

يعباس قبر ام الوفه
يعباس حسينيه صفه
نعو بهالمسيه
لبو فاضل تحيه
🕌🔸🔹🔸🔹🔸🔹🔸🕌
يحظرون يواسون وام البنين اتشاهد الدمعه
يوافون لبو الجود محله گبره ومحله هالجمعه
ينوحون يلطمون كلهم سويه والحسن ينعه
الحسن گال تعرفون ابجو ع عمكم تحضر البضعه

اذا صار عزاء بهالمسه
بالاخبار تجي خير النسه
تجي امنه الزجيه
لبو فاضل تحيه
🕌🔸🔹🔸🔹🔸🔹🔸🕌
ميامين ينوحون دم ع الشريعه وهمه يبجونه
يويلاه ع الماي راعي الكفاله جفوفه كطعوه
يعرفون اجت ليه زينب تنادي الخيمه حرقوه
يكفال ترى الحال انا اسيره وسكنه سلبوه

دمع سال ع طاري الخدر
يحسون فعل سوط الشمر
حجه دمع السبيه
لبو فاظل تحيه
🕌🔸🔹🔸🔹🔸🔹🔸🕌
يذكرون تفاصيل يوم الشريعه والحصل بيها
يسمعون روايات زين العباد وابنه يرويها
يشرحون معانات أم الخدر من قصدت عليها
تنادي يخي ليش اختك اصيح وماتحاجيها

اجت ليه هوت يمه وتون
يخيي شوف دمه يجري المتن
ترى وصت رقيه
لبو فاضل تحيه
🕌🔸🔹🔸🔸🔹🔸🕌
والمصاب ع حسين يمه النهر من انكسر ضهره
يناديه يرواي اكعد يخويه سكينه منتظره
انا وحيد بلاياك بعدك اخيك ينقطع نحره
تمنيت الك عين تنظر حبيبك ينسحك صدره

الك روح تشاهد ذبحتي
والسيوف تقطع جثتي
بجة الغاضريه
لبو فاضل تحيه
🕌🔸🔹🔸🔹🔸🔹🔸🕌
من بعيد اجه صوت اني الزجيه الهضمتي هضمه
يالولاد لاتنسون حال الرضيع المارجع الامه
يريد ماي يمد ايد حسباله ماي يجري مو دمه
يويلاه والف آه طاحت رگبته بحظن ابو اليمه

والعيون مشن صوب النهر
اضن صاح يعمي الكمر
حجه قبل المنيه
لبو فاضل تحيه
🕌🔸🔹🔹🔸🔹🔸🕌
بعد كول شنو صار جعفر سأل والباقر يخبره
اكو اطفال يركضون بس الوجه من الخطر صفره
يحشمون يصيحون اكعد يعمي بداعت الزهره
طفل نام ع ايمين والثاني يبجي شابگ اليسره

اجيناك نلوذ من الخطر
سئلناك يعم وين المفر
مشه راعي الحميه
لبو فاضل تحيه
🕌🔸🔹🔸🔹🔸🔹🔸🕌
بعد كال ع النوك العيله طلبت تنزل ازوره
يسالون يعتبون شفت الحرايم كله مذكوره
والانذال بالاسياط كلمن لزم سوط واخذ دوره
يندبون بالقلوب مثل البقيع الهدمو اقبوره

والقبور ع الشط تعتني
والقبور اضن ماتنبني
حده حادي الرزيه
لبو فاضل تحيه
➖➖➖➖➖➖➖➖
لايجوز حذف الحقوق ❌
◇◈◇⇩..تابعونا..⇩◇◈◇

💻Facebook
http://goo.gl/wWhTbp

📷Instagram
https://instagram.com/m7bebasim

💠telegram
https://goo.gl/6LsbHO

📲Whatsapp
0096170873295
0097333683657
+9647811660503
🔱خدمة محبي باسم الكربلائي🔱