وينــــــ حبيبي ــــــــــــكـــ

**وينك حبيبي**


صار لك مده حبيبي قاطع عنا علومك
.................... ياعسى ما جاك منا يابعد روحي خطيه

والله إني لو ماأحبك ياحياتي ما ألومك
....................بس هذي عادة اللي حب يسأل عن خويه

حطني باقصى الضماير مثل هم من همومك
....................مثل ماانته همي اللي دايما يطري عليه

أشتر اللي باع هالعالم وجاك أقبل يسومك
....................والثمن قلبه وعقله والمشاعر لك هديه

أشترى روحك بروحه صار يالمحبوب تومك
....................مايهمه غير شخصك شخص من كل البريه

كيف تجفى والجفا ماهو بطبعك أو سلومك
....................صرت ما تسأل علينا ياهوى والله قويه

هانت العشره عليك وصرت خصم من خصومك
....................تفتكر أقدر أسامح تفتكر هذي شويه

بعد كل اللي جرى مرتاح ياحظك بنومك
....................كن ما سويت شيء وكن ماعندك قضيه

أسمع آخر شىء مني قبل ماتمحى رسومك
....................ما أخضع ولاأركع ورب الناس دام الروح حيه

لاتحسبني مجرد شىء تقضي به لزومك
....................إنتبه والله لأنسى لو معك قلبي ضحيه

م ن ق و ل