لما شاف زوجته كاشخة ؟ وش سوى ؟؟

السلام عليكم





فيه وحده معزومه على زواج ويوم الزواج قامت الحرمه
وتروشت وتنظفت وسرحت شعرها احلى تسريحه
وسوت مكياج حلو ومرتب ولبست احلى فساتينها
وتعطرت وتبخرت وبعد ماخلصت اتصلت في زوجها
وقالت له اني خلصت
قالها زوجها دقايق واكون عندك شوي
واثاري زوجها قدامها
الرجال يوم شافها اعجبته لانه المسكين مايحصله
يشوفها مرتبه الا في المناسبات
المهم طلبها زوجها تترك الزواج وتجلس معه
وقال لها ابغى اخليها احلى ليله وراح اعوضك عن الزواج
قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع
راح الرجال مستعجل وجاب العشاء ودخل بيته
وش شاااااااااااااف قدامه

.

.

.

.

.

.

.

.

.


الحرمه فاصخه فستانها ولابسه قميص قطن من
حقات البيت وغاسله المكياج وفاكه التسريحه وحاطه
في شعرها زيت ورابطته



الرجال عصب وسالها ليش غيرتي ملابسك وليش سويتي
في نفسك كذا
قالت الفستان ضايقني وانحشرت منه وغسلت المكياج
ماله داعي وزيت شعري عقب الرغوه والاستشوار
تصدق توي احس في الراحه يوم لبست هالقميص

قام الرجال يهاوش وقالها الزينه بس للناس
وانا زوجك ما تهتمين لي
وقال والله ماتذوقين العشاء والحين تقومين قدامي للزواج
وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج
كانها شحاذه وتركها الين اخر الليل وكل الي في العرس شافوها
هي اجلست في عبايتها ما فصخته....... (سوى احراج لزوجته...)



تحياتي ( من جد : كثير من الزوجات ما يهتمون بزوجهم )

ياكثرهم
وبس شاطرين يتعدلون حق صديقاتهن بس لنا ما في أمل ..
تلاقيها الله بالخير

ههههههههه @ الله بالخير

و الله صدقت اخوي

للعروس ايوه .. ولنا لا .. هذا الحريم .. و وش بيغرهم ؟؟

المره مرمره
مقيوله

و اللي يبي يجني على نفسه يعرس

ههههههههههههههههههههههههههههههههه @ يعرس

ولذلك انا معتزل الزواج حاليا

اعتزل مو بس حاليا ..
اعتزل الى مالا نهاية احسنلك ..

أخواني

اسمحوا لي ان اعطي راي في الموضوع

صحيح هو ما قلتوه بأن معظم النساء تتزين للخروج سواء في سهرة او مع صديقاتها ..الخ ولكن عند وجودها في بيتها تكون وكأنها خرجت من حرب شعثاء وكأن هذا الزوج ليس له الحق ان يراها بابهى زينتها
وعلى أخواتي ان يعرفن بأن زوجها هو الاحق بزينتها وجمالها بل لابد ان يكون هو هدفها وغايتها عند شراء شي يخصها لان الزوج عندما تزوجها ميزها عن غيرها من النساء وخصها هي كي تشاركه عالمه فكيف يكون هذا جزائه
واذا كنت تقصد بأنه روتين ويومي وانه يراها في كل يوم فهذا لا يعني ان تهملي نفسك امام اعين زوجك بل عليك انتي ان تجعلين من هذا الروتين شيء متجدد ان تجعلينه ينظر اليوم المقبل ليرى تفننك في اسعاده

أختي لا تنسين ان الرسول صلى الله عليه وسلم قال لو امرت لاحد ان يسجد لغير الله لامرات المرأة ان تسجد لزوجها

ولا تقولين لما انا وليس هو فالرجل عندما يرى المرأة تسعى لارضائه فهو يبادرها بالمثل



واخيراً
اتمنى لكم التوفيق

واعذروا اطالتي

السلام عليكم

اختي اعز الناس

اشكرك جدا على ما تفضلتي به من نصح كبير للمرأه في وقتنا الحاضر

فأغلب النساء لا يعيرون للزوج اي اهتمام

و عندما يذهبون للافراح او الزيارات الخاصه

تراهم امام المرآه بالساعات او بالكوافيره


تشكرات على المرور الجميل

تسلمون اخواتي على ردودكم الجميله

و اتمنى لكم مزيد من التوفيق بأذن الله تعالى

تسلم
أخوي الطائر

لا خلا ولا عدم