ضريحك امامي

ضريحك إمامي عجبني عجب
الشباك فضة والقبة ذهب

لفيت لحضرتك من قاصي البعد
قطعت الفيافي بهضني الجهد
جميل المرائ اخذني الزهد
بس شفت الحضرتك ولا بي تعب

سحر عيني حيدر جمال النجف
بس شفت الحضرتك دليلي رجف
ثاري من جمالك حسنها انوصف
يا سيد عجمها ويا خير العرب

دخلت الضريحك والقلب انذهل
دمع عيني لولو من الفرحة هل
وحبل همي حيدر رباطه انفتل
وشباكك ذهلني وكل همي انحجل

نظرت لمحاسن ضريحك علي
انواره تلالى مصدرها جلي
ورسمها جمالك يا اروع ولي
كتب بيها اسمك واحلى ما كتب

بريق الثريا تعالى الضريح
وعلى اهداب عيني شعاعه يسيح
نسايم رفاتك تداوي الجريح
ونسى كل همومه ولا بيه رهف

جمال المصلى تضل قبلته
ويا قبلة الباري وشرف شيعته
الموالي قصد لك وترك عزوته
تنجي ليوم يمر على اللهب

رجيتك ياروحي تظل رايتي
تلوح بخدمتك مدى دنيتي
غرامك يا حيدر مدد مهجتي
نثرته قوافي وقلبي ما كذب